Наполи на убедлив начин го доби дербито против Лацио славејќи со 5-2 на стадионот „Диего Марадона“. Македонскиот интернационалец Елиф Елмас доби десетина минути од Џенаро Гатузо во финишот на овој меч. Сега „наполитанците“ имаат 63 бода, два помалку од Аталанта и од Јувентус во трката за пласман во Лигата на шампионите.
Инсиње од пенал го отвори резултатот во седмата минута, а Наполитано во 12.минута зголеми на 2-0. Во вториот дел Инсиње и Мертенс се погрижија за 4-0, намали Чиро Имобиле, а потоа стрелаше и Сергеј Милинковиќ Савиќ. Конечниот епилог го постави Осимен.
