Шпанскиот репрезентативец Дани Карвахал нема да биде во составот на Реал Мадрид на утрешното „Ел Класико“. И покрај сите напори да се опорави навреме и да влезе во тимот на Зинедин Зидан, тој, сепак, не е подготвен за настап.
Лекарскиот тим проценил дека десниот бек мора да продолжи со терапиите и со индивидуални тренинзи. Оваа сезона Карвахал имаше неколку повреди, се мачи и одигра само 12 натпревари за „кралскиот тим“.
Лукас Васкез ќе игра на десната странична позиција, а Зидан има големи проблеми и со составувањето на стоперската линија. Единствени опции се Начо и Милитао.
