Фудбалската репрезентација на Македонија се наоаѓа на 62. позиција на најновиот ранкинг на листата на ФИФА. Тоа е скок од три места во однос на последното рангирање во февруари.
По сензационалниот триумф над Германија (1-2) фудбалскиот национален тим напредна три позиции.
Германците се наоѓаат на 12. место, Романија падна дури шест позиции и сега се наоѓа на 43.место, а Исланд исто така има пад од шест места и сега е рангиран на 52.позиција.
Нема промени на првите шест позиции на листата на ФИФА, првопласирана е Белгија, пред Франција, Бразил, Англија, Португалија и Шпанија. На седмата позиција скокна Италија, а меѓу првите десет селекции се и Аргентина, Уругвај и Данска.
