Босанскиот интернационалец Миралем Пјаниќ е на чекор до заминување од Барселона, само една сезона откако дојде како големо засилување. Сепак, се чини дека не ги оправда очекувањата и тренерот Роналд Куман не му дава премногу простор за да покаже што знае и умее на теренот. Тој најчесто е на клупата за резерви, а не е задоволен од таквиот статус.
Ваквата ситуација сака да ја искористи Карло Анчелоти, искусниот менаџер на Евертон. Тој би сакал да го доведе Пјаниќ на Островот и тоа како замена за Хамес Родригез, кој најави заминување од Англија, затоа што не му се допаѓа животот во дождливиот Ливерпул.
Барселона сигурно ќе го стави Миралем Пјаниќ на трансфер – листа, а Анчелоти е подготвен да плати 50 милиони евра и да му ја даде на фудбалерот истата плата која ја заработува и на „Камп Ноу“.
