Селекторот на фудбалската репрезентација на Германија, Јоаким Лев, ќе ги врати во составот на „панцирите“ за Европското првенство искусните Томас Милер и Матс Хумелс. Иако првата активност на Лев и германскиот национален тим се трите натпревари од квалификациите за СП 2022 во Катар, меѓу коии дуелот со Македонија во Дуисбург на 31 март, тој размислува за настапот на ЕП.
Томас Милер и Матс Хумелс пред речиси две години најавија дека се повлекуваат од настапите во репрезентацијата на Германија, но Јоаким Лев има план да ги врати и веќе имал разговори со фудбалерите кои се сложни да помогнат националниот тим да биде поконкурентен и поквалитетен на претстојното Европско првенство.
„Ако вратите така искусни фудбалери, секако дека веднаш се подготвени да одговорат на предизвикот“, изјави Јоаким Лев.
