Францускиот првак Пари Сен Жермен одлучи да не ризикува со вметнување на Бразилецот Нејмар во составот за реванш натпревар против Барселона во осминафиналето на Лигата на шампионите. Ѕвездата на „светците“ пред неколку дена се врати на тренинзите откако ја надмина повредата, но тренерот Маурисио Покетино смета дека се уште не е доволно подготвен за меч од ЛШ.
Влијание на ваквата одлука секако има и фактот дека ПСЖ има голема предност (1-4) која ја обезбеди на првиот меч на „Камп Ноу“. Тогаш Килијан Мбапе одигра одличен меч и постигна хет – трик. Ревнаншот меѓу ПСЖ и Барселона е закажан за утревечер (21 часот) на „Паркот на принцовите“ во Париз.
