Легендарниот Бразилец Пеле вели дека Килијан Мбапе е фудбалерот кој најмногу потсетува на него и би можел да биде „Пеле на 21 век“. Тој упати големи комплименти за младиот Французин.
„Мбапе може да биде мојот наследник, навистина не се шегувам. Неговата способност да игра на високо ниво уште како многу млад ме потсетува на мене. Тој е напаѓач кој мисли брзо и веднаш реагира на теренот. Кога ќе ја добие топката, тој веќе знае што да направи и најчесто го избира најдоброто решение. Тоа се најважните нешта во современиот фудбал“, изјави Пеле.
