Англискиот првак Ливерпул е непрепознатлив оваа сезона, тимот нанижа пет последовни порази на домашен терен и падна под сите очекувања и на табелата во Премиер – лигата. До крајот на шампионатот „црвените“ ќе се обидат да остварат пласман во Лигата на шампионите, а на Јирген Клоп му е јасно дека на „Енфилд Роуд“ се потребни неколку освежувања.
Германскиот стратег се чини дека пронајде замена за Џорџинио Вајналдум кој ќе си замине на крајот од сезоната. Негова голема желба е францускиот играч за врска Хусем Оуар, кој игра одлично во дресот на Лион. Ливерпул е подготвен за него да плати 60 милиони евра.
