Македонскиот младински репрезентативец Дарко Чурлинов се почесто добива шанса во составот на бундеслигашот Штутгарт. Тој доби околу четврт час во завршницата на мечот, а Штутгарт ремизираше на гости против Шалке (1-1).
Чурлинов влезе во 78.минута на теренот на местото на Тангуј Кулибали и покажа дека може да биде многу опасен кон противничкиот гол.
Шалке поведе со голот на Малик Тијао во првиот дел, а израмни Иван Гонзалез од пенал во 56.минута.
По ова реми, Штутгарт се проби на четвртата позиција на табелата во Бундес-лигата со девет освоени бода.
