Белгиецот Еден Азар се врати на теренот по повредата и веднаш потсети дека е „кралска“ крв, постигнувајќи фантастичен погодок за водство на Реал Мадрид од 1-0 против Хуеска. На крајот, тимот на Зинедин Зидан славеше со убедливи 4-1.
Карим Бензема зголеми на 2-0 пред полувремето, а во вториот дел постигна уште еден погодок. Во листата на стрелците за домаќинот се запиша и Федерико Валверде, а единствениот гол за Хуеска беше дело на Давид Фереиро.
Реал Мадрид е првопласиран на табелата во Ла Лига со 16 бода.
