Бразилската ѕвезда Нејмар веќе нема желба да се врати во Барселона. Иако беше блиску до кам-бек на „Камп Ноу“ претходното лето, сепак, после корона-кризата и последните случувања со Лионел Меси, тој не сака да се врати назад во Барса, пишуваат шпанските медиуми.
Нејмар е свесен дека во еден ваков кризен период речиси ниеден клуб не може да си дозволи таков луксуз да плати околу 180 милиони евра за трансфер. Затоа е максимално фокусиран на настапите во Пари Сен Жермен, па дури и дава знаци дека сака да го продолжи актуелниот договор кој има важност до 2025 година, дури и ако има мало намалување на годишната плата поради корона-кризата.
