Јувентус оствари очекувана победа против Ференцварош (1-4) во Лигата на шампионите, но тренерот Андреа Пирло не е сосема задоволен од изданието на тимот. Италијанскиот првак се мачеше еден час во Будимпешта, имаше само 0-1, а во финишот успеа комплетно да го скрши отпорот на домаќинот.
Пирло беше асистент, креатор, не може да трпи кога фудбалерите делуваат себично и самобендисано на теренот.
„Победивме, но моравме да го затвориме мечот многу порано. Правевме грешки затоа што фудбалерите беа самобендисани на теренот. Не можам да разберам како некои не можат да си го совладаат егото и да играат тимски“, изјави Андреа Пирло.
Тој е под голем притисок поради послабиот старт на Јувентус во Серија А.
