Градоначалникот на Неапол. Луиџи де Магистрис, потврди дека процедурите за менување на името на стадионот ќе бидат завршени до крајот на оваа седмица. Во петок ќе биде свикан совет на градот Неапол на кој се очекува името на стадионот од „Сан Паоло“ да биде променето во „Диего Армандо Марадона“, во чест на трагично починатата ѕвезда на светскиот фудбал. Елиф Елмас и соиграчите од Наполи најверојатно веќе следниот меч на домашен терен ќе го играат на стадионот „Диего Армандо Марадона“.
„Процедурите ќе бидат спроведени во најбрз можен рок. В петок треба да биде одржан совет на градот Неапол, а потоа и собрането да ја потврди промената на името. Мислам дека следниот меч Наполи ќе го игра на стадионот „Диего Армандо Марадона“. Со тоа вечен ќе биде споменот на легендарниот фудбалер кој многу го задолжи градот Неапол“, изјави градоначалникот Луиџи де Магистрис за италијанските медиуми.
Наполи синоќа во емотивен меч ја совлада Рома со 4-0. Елиф Елмас учествуваше во акцијата при постигнувањето на третиот гол на Дрис Мертенс.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski