Вест Хем успеа да оствари победа од 2-1 против Астон Вила во последниот меч од тековното коло во Премиер – лигата. Домашниот тим имаше и многу среќа, затоа што Оли Воткинс во 74.минута не реализира пенал, а во судиското продолжение не му беше признат гол поради офсајд позиција од едвај неколку сантиметри. По прегледување на ВАР снимката беше скратена радоста на гостите.
Анџело Огбона го доведе Вест Хем во водство во втората минута, израмни Џек Грилиш во 25.минута, а Џерод Боувен на самиот старт од вториот дел донесе нова предност за домаќинот која на крајот се покажа и како решавачка за успех.
