Македонскиот репрезентативец Дарко Велковски го постигна првенецот за Ријека во Лигата на Европа против силниот Реал Сосиедад на гости (2-2), а Елиф Елмас одигра половина час за Наполи на дуелот против АЗ Алкмар (1-1).
Велковски донесе водство за Ријека во 38.минута, по корнерот од левата страна со глава ја уфрли топката во мрежата. Јон Баутиста израмни, а Стјепан Лончар повторно ја доведе Ријека до предност. Конечниот епилог го постави Начо Монреал во 79.минута.
Darko Velkovski, Sociedad – Rijeka 0:1 pic.twitter.com/FubYL6dDBY
— Stefan (@StefanDaskalov) December 3, 2020
Наполи одигра 1-1 на гости против АЗ Алкмар. Дрис Мертенс во шестата минута донесе водство за „наполитанците“, а израмни Бруно Мартинс Инди на почетокот на вториот дел. Во 59.минута, Компеинерс не реализира пенал за холандскиот тим.
Арсенал беше убедлив против Рапид Виена (4-1), Рома со 3-1 го совлада Јанг Бојс, а Баер Леверкузен славеше на гости против Ница со 2-3. Бенфика со 4-0 го декласира Лех Познањ.
