Марио Балотели од денеска и официјално е нов фудбалер на италијанскиот второлигаш Монца. Тој доаѓа како слободен агент откако во март се раздели со Бреша и неколку месеци беше без клуб.
Балотели повторно ќе соработува со Адријано Галијани како во периодот кога беа дел од Милан. Монца е во сопственост на Силвио Берлускони, а Галијани е прв оперативец на клубот. Шеф на стручниот штаб е Кристијано Броки, поранешниот играч и тренер на Милан.
Балотели потпиша договор до јуни 2021 година со новиот клуб.
