Спортскиот директор на Рома на интензивна нега по страшна сообраќајна несреќа

Спортскиот директор на Рома, Морган де Санктис, се наоѓа на интензивна нега во клиника во Рим откако имал страшна сообраќајна несреќа, директен судир со друго возило. Тој, како што информира „Кориере дело спорт“ е опериран и се наоѓа вон животна опасност. 

Де Санктис имал судир со возило „Хјундаи туксон“ и веднаш е префрлен на операција, а утврдени се повреди во абдоменот, како и напукнати ребра. Спортскиот директор на Рома ќе остане под лекарски надзор во наредните две седмици.