Шпанскиот прволигаш Атлетико Мадрид ќе се обиде да го доведе Муса Дембеле, напаѓачот на Лион, на „Ванда Метрополитано“ во зимскиот преоден рок. Тренерот Диего Симеоне во него го гледа наследникот на Диего Коста. Бразилецот со шпански пасош со спогодбен договор одлучи да замине шест месеци порано од Атлетико Мадрид.
Муса Дембеле има одлична сезона во дресот на Лион, иако во последниот период отсуствува поради повреда на рамото. За него сериозен интерес покажува и премиерлигашот Вест Хем, а трансферната вредност му изнесува околу 40 милиони евра.
