Англискиот премиерлигаш Тотенхем е заинтересиран за ангажман на хрватскиот интернационалец од редовите на Интер, Иван Перишиќ. Менаџерот Жозе Мурињо посакува да го има крилниот играч за вториот дел од сезоната во Премиер – лигата и подготвен е да плати 11 милиони фунти.
Интер е заинтересиран за оваа зделка, со оглед дека Антонио Конте ја разгледува можноста по заминувањето на Перишиќ на „Џузепе Меаца“ да го доведе Емерсон Палмиери од Челси.
Медиумите на Островот најавуваат дека Тотенхем на Иван Перишиќ ќе му понуди неделна плата од 70.000 фунти што фудбалерот е подготвен да ја прифати и да склучи договор за соработка.
