Астон Вила се појави со младински состав на дуелот против Ливерпул во ФА купот на Англија и можеше да одолее само едно полувреме. На крајот, загуби со 1-4. Сениорскиот тим на Астон Вила е во изолација поради пандемијата на коронавирусот во составот од Бирмингем.
Садио Мане во четвртата минута донесе предност за Ливерпул, но израмни Луи Бери во 41.минута. Сепак, во вториот доминираше тимот на Јирген Клоп.
За пет минути Ливерпул постигна три гола. Вајналдум во 60.минута го врати водството за Ливерпул, Садио Мане зголеми на 1-3 три минути подоцна, а Мохамед Салах во 65.минута го постави конечниот епилог.
Вулверхемптон исто така оди во следната рунда од ФА купот на Англија откако го совлада Кристал Палас со 1-0, со голот на Адама Траоре.
