Италијанскиот калчолигаш Рома е во завршни преговори за Бразилецот Бернард од Евертон. Офанзивниот играч за врска сака да го напушти „Гудисон парк“, а „волчицата“ сака да го ангажира како „бек ап“ за Мхитарјан и за Педро во средниот ред. Проблематичен со повредите е и Заниоло, па на тренерот Пауло Фонсека добро би му дошол бразилскиот интернационалец.
Карло Анчелоти е согласен на овој трансфер, а како дел од зделката би можел да биде вклучен и шведскиот чувар на мрежата Робин Олсен кој би добил перманентен договор од Евертон.
Англискиот премиерлигаш Евертон размислува и да дозволи комплетен трансфер на Моисе Кин во Пари Сен Жермен.
