Манчестер Јунајтед на „Олд Трафорд“ и со половина сили стигна до минимален триумф над Вотфорд и се пласира во следната рунда на ФА купот на Англија. Стрелец на победничкиот гол беше Скоти Мектоминај уште во петтата минута од мечот. „Црвените ѓаволи“ имаа уште неколку убави можности за поубедлив триумф, но не успеаја да ги реализираат.
Арсенал дури по продолженија го елиминира Њукасл откако славеше со 2-0. Емил Смит Роу во 109.минута и Пјер – Емерик Обамејанг во 117.минута беа стрелци на головите за „топчиите“ на овој меч.
Лестер беше убедлив против Стоук и победи со 0-4.
