Рома успеа да извлече реми (2-2) против Интер на „Олимпико“ откако израмни со голот на Џанлука Мансини во 86.минута од натпреварот. Во натпревар со многу пресврти, на крајот за двете екипи по еден бод.
„Волчицата“ поведе со голот на Лоренцо Пелегрини во 17.минута, а Интер направи пресврт на стартот на второто полувреме. Милан Шкриниар во 56.минута и Ашраф Хакими во 63.минута го свртеа резултатот во корист на Интер. Но, Мансини не дозволи „нероаѕурите“ да заминат со три бода од Рим.
Интер е второпласиран со 37 бода, три помалку од лидерот Милан, а Рома се наоѓа на третата позиција со 34 бода.
