Манчестер Сити ќе мора на следните два натпревари од Премиер – лигата да биде без аргентинскиот интернационалец Серхио Агуеро. Тој е во самоизолација откако имал контакт со личност која подоцна појавила симптоми на коронавирус.
Агуеро добил негативен тест на Ковид-19, но и покрај тоа мора да ги почитува протоколите за заштита и да замине во самоизолација. Менаџерот Пеп Гвардиола ќе го нема на располагање на натпреварите против Брајтон и против Кристал Палас во Премиер – лигата.
Агуеро требаше да биде стартер на денешниот меч од ФА купот на Англија против Бирмингем (3-0), но во последен момент дојде информацијата дека ќе мора да остане во изолација.
