Борусија Менхенгладбах шокантно го порази Баерн Минхен, а Флоријан Нојхаус го постигна победничкиот гол за својот тим. И само ден подоцна, на адресата на клубот пристигна понуда од Ханси Флик. Баерн Минхен сака да го купи Нојхаус, но и Денис Закарија, двајцата можеби главни играчи на тимот, и за тоа е подготвен да плати 60 милиони евра.
Баварскиот гигант не препушта ништо на случајот и сака да го има најдоброто од Бундес – лигата, а Нојхаус и Закарија оваа сезона играат одлично во дресот на Борусија Менхенгладбах.
„Спорт Билд“ открива дека за Флоријан Нојхаус е заинтересиран и Реал Мадрид, дека Зинедин Зидан подолг период ги следи неговите игри, а Денис Закарија е трансферна цел и на Ливерпул.
