Аргентинскиот интернационалец Пауло Дибала принудно ќе паузира три седмици поради повреда на коленото на левата нога. Со неа се здоби на синоќешниот дуел против Сасуоло. Ова секако му создава дополнителни проблеми на тренерот Андреа Пирло пред првенствениот меч од Серија А против Интер, но и дуелот од Суперкупот на Италија против Наполи.
Дибала заработи истегнување на летаралниот лигамент на левото колено и ќе мора да паузира дваесетина дена. Останатите двајца фудбалери на Јувентус кои денеска беа на скенирање, Меккени и Киеза немаат посериозни проблеми и ќе можат да се приклучат на тренинзите на „старата дама“.
