Англискиот премиерлигаш Челси се вклучува во трката за ангажман на Дајот Упамекано, дефанзивецот на Лајпциг, кој е еден од најбараните одбранбени фудбалери на трансфер-маркетот. Баерн Минхен, Манчестер Јунајтед и Ливерпул исто така се сериозно заинтересирани да го доведат Упамекано, но раководството на Челси се надева дека ќе реагира побрзо од конкурентите и ќе го придобие младиот Французин.
Лајпциг одреди отштета од 42 милиони евра во клаузулата од договорот на Упамекано кој има важност до јуни 2023 година. Челси доведе неколку големи засилувања пред стартот на сезоната, но тимот на Франк Лампард се уште функционира според планот.
Челси се наоѓа на деветтата позиција со 26 бода, седум помалку од Ливерпул и од Манчестер Јунајтед.
