Тотенхем повторно испушти важни бодови на домашен терен откако ремизираше (1-1) против Фулам. Менаџерот Жозе Мурињо е гневен на изданието на тимот, вели дека едноставно морале да го задржат водството и да триумфираат.
„Повторно примивме гол кој едноставно не смеевме да си го дозволиме. Не знаеме ниту да ја „убиеме“ играта, ниту да постигнеме втор гол. Пропуштивме многу шанси во досегашниот тек од првенството, но не се предаваме и Тотенхем се уште трча за водечките позиции на табелата во Премиер – лигата. Мораме многу, многу подобро“, изјави Жозе Мурињо.
Тотенхем в недела ќе му гостува на Шефилд Јунајтед во Премиер – лигата, а на 23 јануари ќе игра против Вајкомб во ФА купот.
