Тренерот на Наполи, Џенаро Гатузо дојде со изненадување во „Кастел Волтурно“, базата на тимот. Го откажа планираниот тренинг и им приреди изненадување на фудбалерите. Гатузо ги одведе Елмас и соиграчите на пладневен ручек во „Херкуланеум“, античкиот град близу до Неапол, лоциран на падините на Везув.
По исцрпувачката победа над Емполи во Купот на Италија, Гатузо процени дека на тимот му е потребно опуштање и заеднички мигови во ресторан, да здивнат малку фудбалерите и да се опуштат пред дуелот со Фиорентина во Серија А в недела и мечот од Суперкупот на Италија против Јувентус в среда.
