Лидерот на табелата во Серија А, тимот на Милан, постигна договор за соработка со хрватскиот интернационалец Марио Манџукиќ. Напаѓачот ќе го засили составот на „росонерите“ до крајот на сезоната, а утре ќе пристигне на лекарски прегледи во Милано.
Манџукиќ е слободен агент откако го раскина договорот со Ал Духаил, а се враќа во Серија А каде во минатото го носеше дресот на Јувентус. 34-годишниот Хрват ќе потпише шестмесечен договор со „росонерите“ со опција за продолжување на уште една година.
