Тотенхем славеше на гостувањето кај Шефилд Јунајтед со 1-3 и се искачи на четвртата позиција на табелата со 33 бода, три помалку од лидерот Манчестер Јунајтед. Фантастичен гол постигна Тангуј Ндомбеле кој во 62.минута ја потврди победата на составот на Жозе Мурињо.
Серж Орие во петтата минута донесе предност за Тотенхем, а Хари Кејн ја удвои во 40.минута од натпреварот. Во вториот дел Дејвид Мекголдрик намали на 1-2 во 59.минута, но само три минути подоцна следеше прекрасниот погодок на Ндомбеле со кој беше решен победникот.
