Атлетик Билбао е освојувач на Суперкупот на Шпанија откако во Севилја ја совлада Барселона со 3-2 по продолженија. Каталонскиот тим беше на прагот на успех, но прими гол за израмнување во 90.минута, а потоа и го загуби мечот.
Антоан Гризман двапати носеше водство за Барселона на дуелот од Суперкупот. Атлетик Билбао првиот пат израмни со голот на Оскар де Маркос, а потоа и во 90.,минута за 2-2, со голот на Асиер Вилалибре. Победничкиот гол во 94.минута, на почетокот на продолженијата го постигна Ињаки Вилијамс.
