Лионел Меси ги загуби нервите при крајот на продолженијата од Суперкупот на Шпанија и доби црвен картон поради тоа што му удри бокс на еден противнички играч. По прегледување на ВАР снимката, на аргентинскиот интернационалец му беше покажан патот кон соблекувалната.
Ова е прв црвен картон за Меси по 753 настапи во дресот на Барселона во сите натпреварувања. Очигледно е дека и тој има моменти на фрустрација поради лошите резултати на каталонскиот тим, но и се што му се случуваше на „Камп Ноу“ од почетокот на сезоната.
