Германскиот бундеслигаш Лајпциг сака да купи напаѓач од ривалот во осминафиналето на Лигата на шампионите, тимот на Ливерпул. Раководството на клубот сака да доведе белгискиот интернационалец Дивок Ориги со оглед дека тој планира да ја промени средината и да го напушти „Енфилд Роуд“.
Дивок Ориги сака да замине од Ливерпул за да може да се наметне за настап во фудбалската репрезентација на Белгија за Европското првенство. Кај Јирген Клоп има скромна минутажа, а Лајпциг му нуди одлични услови и преселба во квалитетната Бундес-лига.
Спортскиот директор Маркус Кроше најави дека Лајпциг нема да купува нови фудбалери во зимскиот преоден рок, но очигледно дека размислува за нов напаѓач. Покрај Ориги, во опција за ангажман се и Каспер Долберг од Ница и Келечи Иханачо од Лестер.
