Англискиот премиерлигаш Манчестер Сити ќе биде сериозно ослабен во наредните три седмици поради отсуството на најдобриот играч за врска, Кевин де Бруин. Белгиецот заработи повреда на бутниот мускул на мечот против Астон Вила, предвреме го напушти теренот, а лекарските наоди покажаа дека Де Бруин ќе мора да паузира околу три седмици.
Ова значи дека менаџерот Пеп Гвардиола најверојатно ќе биде без услугите на белгискиот интернационалец и на дербито против Ливерпул на 7 февруари. Тој сигурно ќе ги пропушти мечевите од Премиер – лигата против Вест Бромвич Албион, Шефилд Јунајтед и против Барнли.
Покрај Де Бруин, Гвардиола не може да смета и на Серхио Агуеро кој е позитивен на коронавирус.
