Италијанскиот калчолигаш Фиорентина се засили со рускиот напаѓач Александр Кокорин. Тој доаѓа од редовите на Спартак Москва и треба да биде големо засилување за „виолетовите“ во вториот дел од сезоната во Серија А.
„Спартак Москва постигна договор со Фиорентина за трансферот на Кокорин. Напаѓачот ќе отпатува во Италија и откако ќе ги мине медицинските прегледи ќе потпише договор на три и пол години“, објави рускиот клуб.
Оваа година Кокорин постигна два гола на десет натпревари.
