Напаѓачите на Интер и на Милан, Ромелу Лукаку и Златан Ибрахимовиќ, добија по еден меч суспензија за жестокиот „клинч“ што го имаа на натпреварот од четвртфиналето во Купот на Италија. Лукаку ќе го одработи на првиот полуфинален натпревар против Јувентус следната седмица, а Ибрахимовиќ ќе мора да го прескокне следниот негов настап во италијанскиот Куп.
Лукаку и Ибрахимовиќ имаа конфликт на теренот, а потоа караницата продолжила и во тунелот на стадионот „Џузепе Меаца“. Двајцата заработија жолти картони, а во продолжение Ибрахимовиќ доби и втор жолт картон и беше исклучен.
