Лидерот на табелата во Ла Лига, тимот на Атлетико Мадрид, се соочува со нови проблеми со коронавирусот. Двајца фудбалери од составот на Диего Симеоне имаат позитивни тестови на Ковид-19 и се префрлени во самоизолација.
„Јаник Караско и Марио Хермосо покажаа позитивни тестови на Ковид-19“, извести Атлетико Мадрид.
Белгискиот крилен играч Јаник Караско и централниот дефанзивец Марио Хермосо веднаш се префрлени во самоизолација и нема да бидат достапни за тимот во наредните десетина дена.
Атлетико Мадрид денеска му гостува на Кадиз, а во моментот има седум бода предност пред Реал Мадрид на врвот на табелата и два одиграни меча помалку.
