Интер ја совлада Фиорентина на гости со 0-2 и се искачи на врвот на табелата во Серија А со еден бод предност во однос на Милан. Но, „росонерите“ в недела ќе го одиграат мечот од 21.коло и на „Сан Сиро“ го пречекуваат Кротоне.
Тимот на Антонио Конте, кој овојпат мечот го следеше од ложата, беше доминантен во Фиренца. Николо Барела во 31.минута постигна одличен гол со удар од далечина, а на стартот на вториот дел Иван Перишиќ зголеми на 0-2. Фиорентина ненаше сили да одговори и бодовите патуваат за Милано.
