Ливерпул се подготвува за натпреварот од Лигата на шампионите против Интер на „Џузепе Меаца“, но египетската ѕвезда Мохамед Салах не е дел од тимот, откако менаџерот Арне Слот не го вклучи на списокот.
Ова по изјавата на Салах во која кажа дека Ливерпул „го фрлил под автобус“ и дека сакаат него да го обвинат за слабите резултати.
Фудбалерот објави фотографија од теретаната на „Енфилд“, која веднаш го разбуди интересот кај фановите на Ливерпул на социјалните мрежи. Голем дел од нив застанаа на страната на Мо Салах, кој низ годините се стекна со статус на вистинска легенда на клубот.
