УЕФА поради проблемите со коронавирусот мораше мечот меѓу Лајпциг и Ливерпул да го премести во Будимпешта со оглед на строгите мерки за коронавирус и влез на странци во Германија. Слична ситуација се создава и во Шпанија, па виси натпреварот меѓу Атлетико Мадрид и Челси, кој треба да се одигра во шпанската престолнина.
Поради новиот сој на коронавирус, многу земји го ограничуваат влезот на странците, а посебно на лица кои доаѓаат од Островот. Токму поради ова најверојатно и Челси нема да може да игра во Шпанија. Атлетико Мадрид ќе мора да пронајде нова локација каде ќе го игра мечот, секако со согласност и од УЕФА. Една од солуциите е Букурешт.
