Младата фудбалска репрезентација на Македонија до 21 година совлада Финска со 1-0 на пријателскиот натпревар што се одигра во Трнава, Словачка. Нашите надежи обезбедија рано водство на овој меч. Македонија поведе со голот на Ване Јованов во петтата минута. Тој се реши за удар од далечина и успеа да го совлада противничкиот голман Хуго Кето.
Селекторот Благоја Милевски го почна натпреварот со следниот состав: Јанков, Јованов, Антовски, Тодоровски, Руфати, Личина, Ристовски, Тошески, Крстовски, Здравковски, Трапаноски.
