Вардар го доби најважниот потпис: Капитенот Закариќ останува уште една година

Најтрофејниот македонски клуб Вардар го заврши најважниот „дил“ во овој летен преоден рок, а пред настапите во квалификациите за Конференциската лига и новата сезона во Македонија. Го задржа капитенот и најдобар фудбалер во тимот, Горан Закариќ.

Босанскиот интернационалец потпиша нов едногодишен договор со „црвено-црните“ и ќе го предводи тимот во новите предизвици.

Закариќ е еден од најголемите адути на тренерот Гоце Седлоски, негова продолжена рака на теренот и квалитет што секогаш отскокнува и го прави колективот многу подобар.