Шкендија го доби ТНС од Велс за прв ривал во квалификациите за ЛШ

Македонскиот првак Шкендија може да биде задоволен од ждрепката за првото квалификациско коло во Лигата на шампионите. Тетовци, кои беа меѓу неносителите, имаа среќа и го добија веројатно најпосакуваниот противник од првиот шешир – велшкиот шампион ТНС.

Првиот натпревар ќе се игра на теренот на ТНС, додека реваншот ќе се одигра во Тетово, што претставува мала, но значајна предност за „црвено-црните“.

Ова нема да биде прв дуел меѓу двата клуба. Во 2018 година, Шкендија го декласираше ТНС со убедливи 5-0 во Скопје – една од највисоките европски победи на македонски тим. Но, во реваншот на островот, велшкиот тим изненади со победа од 4-0, потсетувајќи дека и тоа како знае да биде опасен на домашен терен.

Првите натпревари се закажани за 8 и 9 јули, додека реваншите ќе се играат на 15 и 16 јули. Шкендија сега ќе се обиде да го повтори успехот од 2018 – но овојпат, со поцврста игра на двете страни.