Македонскиот првак Шкендија го промовираше и второто засилување во текот на денешниот ден. Тоа е Мевљан Мурати, кој се врати во Тетово и потпиша двегодишен договор. Десниот бек се враќа во Тетово како директна замена за заминатиот Стефан Коцев.
Претходно, Шкендија го промовираше и Имран Фетаи, што значи дека полека ги реди коцките во одбраната.
Мурати минатата сезона беше дел од Гостивар, а претходно ги носеше дресовите на Работнички, Шкендија, Ренова, Шкупи и Партизани Тирана, носејќи со себе искуство и квалитет во дефанзивната линија.
