МАКФУДБАЛ ИГРАЧ на колото: Марко Ѓорѓиевски (Силекс)

Силекс оваа сезона потсети на некогашните шампионски денови. За чекор остана зад Шкендија, но одигра одличен шампионат, а имаше среќа во своите редови да го има Марко Ѓорѓиевски.

Убиствен голгетерски инстинкт, моќ, брзина, динамичност…Ова момче има сѐ што треба да поседува еден врвен голгетер. И што е најважно, умее да постигнува голови. Го примети тоа и Шкендија во последното коло, кога Марко со два гола го подрасипа славјето во Тетово.

Даде два гола, победи, и се одјави. Ја надмина оваа Прва лига и време е да замине во странство.

МАКФУДБАЛ го избра Марко Ѓорѓиевски за најдобар фудбалер на 33.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.