Федерико Киеза најверојатно нема да остане во Ливерпул по завршувањето на сезоната, а според информации од Италија, веќе се споменуваат четири потенцијални дестинации во Серија А за поранешниот напаѓач на Јувентус.
Киеза се приклучи на Ливерпул на крајот од летниот преоден рок за сума од 15 милиони евра, како единствено засилување под водство на новиот менаџер Арне Слот. Сепак, не успеа да се наметне и да обезбеди место во стартниот тим во ниту едно натпреварување.
Досега има одиграно само 33 минути во Премиер – лигата, распределени во четири натпревари, како и вкупно 395 минути во 12 натпревари во сите натпреварувања (вклучувајќи Лигата на шампионите, Карабао Куп и ФА Куп), при што девет од тие настапи беа како замена.
Бидејќи не е во плановите на Слот и не се очекува ситуацијата да се промени до следната сезона, се предвидува Киеза да го напушти „Енфилд“ само една година по пристигнувањето.
Според „Калчомеркато“, најреален интерес за него покажува Интер, кој планира реконструкција на нападот поради очекуваното заминување на Хоакин Кореа и Марко Арнаутовиќ. Генералниот директор Џузепе Марота го гледа Киеза како потенцијална замена за Кореа – флексибилен офанзивец кој може да донесе разновидност во последната третина.
Дополнително, Антонио Конте, кој е актуелен тренер на Наполи, исто така го посакува Киеза како засилување. Меѓутоа, неговото останување на „Сан Паоло“ е неизвесно, па евентуалниот трансфер зависи и од неговата иднина.
Рома, пак, работи на нискобуџетна опција за доведување на Киеза, како потенцијална замена или поддршка за Пауло Дибала и Матиас Суле, чии договори истекуваат во 2026 година. Во случај некој од нив да биде продаден, клубот ќе има потреба од нов офанзивец.
