Панче Стојанов е новиот шеф на стручниот штаб на Брера, откако Тони Атанасов поднесе оставка по поразот од Вардар. Стојанов, кој досега беше помошник во тимот, сега ја презема водечката улога во завршницата на сезоната.
49-годишниот струмичанец е добро познат во македонскиот фудбал. Како играч ги носеше дресовите на Силекс, Беласица, Ренова, Хоризонт Турново и на Работнички. Тренерското искуство го градел и во младинските категории на Брера, а во 2018 година за првпат го водеше сениорскиот тим во Првата лига.
Панче Стојанов својот деби натпревар како прв тренер ќе го има веќе утре – токму против Вардар, во полуфиналето од Купот на Македонија во Скопје. По тоа, фокусот се сели кон последните кола од првенството, каде главната цел останува – опстанок во елитата.
