Рома ја запиша својата 15-та победа во Серија А, триумфирајќи минимално со 0-1 на гостувањето кај Лече. Овој резултат ја продолжи одличната форма на тимот откако Клаудио Раниери ја презеде тренерската функција, а римскиот клуб сè уште има надеж за пласман во Лигата на шампионите.
Иако доминираше во поголемиот дел од натпреварот, Рома долго не успеваше да ја пробие одбраната на домаќините. Сепак, во 80. минута, Артем Довбик го најде патот до мрежата и донесе вредни три бода за својот тим.
Лече, со овој пораз, останува на 16. место на табелата со 25 бодови и ќе мора да се бори за опстанок во лигата, додека Рома сега е чекор поблиску до завршница меѓу првите четири екипи.
