Манчестер Сити делумно потсети на шампионскиот тим откако вечерва на „Етихад“ го совлада Челси со 3-1. Тимот на Пеп Гвардиола одигра подобро од ривалот иако му дозволи да поведе со голот на Мадуеке во третата минута од мечот.
Сепак, Сити успеа да израмни пред одморот, откако погоди Јошко Гвардиол во 42.минута.
Ерлинг Халанд се погрижи за пресврт со голот во 68.минута, а триумфот го потврди Фил Фоден во 87.минута од дуелот.
Сега Сити повторно е на четвртата позиција со 41 бод, која води во Лигата на шампионите.
